LPG સિલિન્ડર(LPG cylinder)ને લઈને મોટી માહિતી સામે આવી રહી છે. નવા વર્ષમાં તમારા માટે સારા સમાચાર જાહેર થઈ શકે છે. એવું માનવામાં આવે છે કે, સરકારી તેલ કંપની(Oil Companies)ઓ નવા વર્ષમાં રાંધણ ગેસ (LPG Price)ના ભાવમાં ઘટાડો કરી શકે છે. ગેસ સિલિન્ડરના ભાવ ક્યારેક લોકોનું બજેટ બગાડે છે. લોકો લાંબા સમયથી ગેસ સિલિન્ડરના ભાવ ઘટાડવાની માંગ કરી રહ્યા છે. આવી સ્થિતિમાં જો સિલિન્ડરની કિંમતમાં ઘટાડો થાય છે તો લોકો માટે મોટી રાહત થઈ શકે છે.
તમને જણાવી દઈએ કે, રાજસ્થાનના મુખ્યમંત્રી અશોક ગેહલોતે પણ તાજેતરમાં જાહેરાત કરી હતી કે, ગરીબ પરિવારોને હવે સસ્તા ભાવે સિલિન્ડર ઉપલબ્ધ કરાવવામાં આવશે. આ યોજના 1 એપ્રિલ 2023થી લાગુ કરવામાં આવશે. જેમાંથી એક સિલિન્ડર 500 રૂપિયામાં મળશે. જોકે, માત્ર BPL અને ઉજ્જવલા યોજના સાથે જોડાયેલા ગરીબ લોકો જ 500 રૂપિયામાં સિલિન્ડર લઈ શકશે.
જાણો ભાવ ઘટાડાનું કારણ...
હકીકતમાં, આ દિવસોમાં કાચા તેલની કિંમતોમાં ભારે ઘટાડો જોવા મળ્યો છે. જેનો ફાયદો સરકારી તેલ કંપનીઓ LPG ગેસ સિલિન્ડરના ભાવમાં ઘટાડો કરીને ગ્રાહકોને આપી શકે છે. અત્યારે ક્રૂડ ઓઈલ પ્રતિ બેરલ 83 ડોલરની આસપાસ ટ્રેડ થઈ રહ્યું છે, જ્યારે ભારતીય બાસ્કેટનો ભાવ બેરલ દીઠ 77 ડોલર આસપાસ છે. જેના કારણે સરકારી તેલ કંપનીઓ ઘરેલુ રાંધણ ગેસના ભાવમાં ઘટાડો કરી શકે છે.
રાજસ્થાન સરકાર આપી રહી છે સસ્તા સિલિન્ડર
રાજસ્થાનના મુખ્યમંત્રી અશોક ગેહલોતે જાહેરાત કરી છે કે, ગરીબોને વધુ રાહત આપવા માટે રાજસ્થાન સરકાર દ્વારા સતત લોક કલ્યાણના નિર્ણયો લેવામાં આવી રહ્યા છે. આ ક્રમમાં, રાજ્ય સરકાર ગરીબોને સસ્તા દરે સસ્તા LPG સિલિન્ડર આપવાની યોજના લઈને આવી રહી છે.
